Ermənistanın keçmiş müdafiə naziri David Tonoyanın məhkəmə prosesi ilk dəfə olaraq mətbuata açıq şəkildə keçirilir.
“Qafqazinfo” “Sputnik Ermənistan”a istinadən xəbər verir ki, bu günə qədər məhkəmə prosesi qapalı rejimdə baş tutub.
David Tonoyanla eyni zamanda məhkəmə prosesində ölkənin Baş Qərargahının keçmiş rəhbəri Artak Davtyan və onun müavini Stepan Qalstyan da təqsirləndirilən şəxs qismində çıxış edir.
Qeyd edək ki, 2021-ci ilin sentyabrın 30-dan həbsdə olan David Tonoyan silahlı qüvvələrin ehtiyacları üçün sursat alarkən təxminən 4,5 milyon dolları mənimsəməkdə ittiham olunur. Tonoyan 2018-ci ildə Müdafiə Nazirliyinin rəhbəri olub və 2020-ci ilin noyabrında vəzifəsindən uzaqlaşdırılıb.скачать dle 12.1