Rusiyanın paytaxtında bir şəxs Mavzoleydən Vladimir Leninin cəsədini oğurlamağa cəhd edib.
Hadisə fevralın 5-də gecə yarısı baş verib. Sərxoş vəziyyətdə olan şəxs Mavzoleyi gəzib, daha sonra binanın qapısını açmağa cəhd etmək qərarına gəlib, bundan sonra hüquq-mühafizə orqanlarının əməkdaşları tərəfindən saxlanılıb.
Polis bölməsinə aparılan şəxs Leninin cəsədini oğurlamağa cəhd etdiyini etiraf edib. 
Saxlanılan şəxsin qeyri-adi davranışı ilə əlaqədar hüquq-mühafizə orqanlarının əməkdaşları psixiatrik yardım üçün təcili yardım çağırıb və problem yaradan şəxsi həkimlərə təhvil verib.
Məlum olub ki, fevralın 13-dən Mavzoley iki ay müddətinə ictimaiyyət üçün bağlı olacaq . Bu, profilaktik tədbirlərlə bağlıdır.скачать dle 12.1