Türkiyə prezidenti Rəcəb Tayyib Ərdoğan prezident seçkilərini təxirə salmayacaq. 
Bu barədə "Bloomberg" agentliyi məlumat dərc edib. 
Məlumata görə, seçkilər planlaşdırıldığı kimi mayın 14-də keçiriləcək. 
Bundan əlavə, Türkiyə qanunlarına görə, fövqəladə vəziyyətə görə seçkilər təxirə salına bilməz. Yalnız zəlzələdən zərər çəkmiş şəhərlərin vəziyyətinə görə tarixə yenidən baxıla bilər.
Türkiyə liderinin müharibə vəziyyətində seçkiləri bir il təxirə salmaq hüququ olsa da, təbii fəlakətlər buna istisnadır. Səsvermənin təyin olunmuş müddətdən gec keçirilməsi üçün hakim Ədalət və İnkişaf Partiyası siyasi rəqibləri ilə razılığa gəlməlidir. Yalnız bundan sonra Konstitusiyaya müvafiq düzəlişlər etmək mümkün ola bilər. 
Lakin mövzu ilə bağlı hələlik rəsmi açıqlama yoxdur.скачать dle 12.1