O, Los-Ancelesdə yerləşən villasını 39 milyon dollara satmaq istəyir.
Məlumatlara görə, sənətçi 1994-cü ildə Los-Feliz şəhərinin mənzərəli ərazisində bir çox məşhurların yaşadığı məhəllədə yerləşən evi 1 milyon 7 min dollara alıb.
Onu da qeyd edək ki, Bred orada zaman-zaman keçmiş həyat yoldaşları - Cennifer Eniston və Ancelina Coli ilə birlikdə yaşayıb.
Mülk 1915-ci ildə tikilib, sahəsi təxminən min kvadratmetrdir. Evdə dörd yataq otağı, dörd vanna otağı, kamin, kitabxana, yemək otağı, mətbəx və qonaq otağı mövcuddur. O cümlədən, malikanənin ərazisində ayrıca qonaq evi, hovuz, tennis kortu və konkisürmə meydançası da var.
