Rusiya Ermənistandan İrəvanın NATO ilə birgə hərbi təlimlərdə iştirakı ilə bağlı açıqlama istəyib.
Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova məlumat verib.
Ermənistan-Azərbaycan sərhədində dünən baş verən insidentə toxunan diplomat Aİ-nin Ermənistandakı missiyasının fəaliyyəti fonunda vəziyyətin daha da gərginləşəcəyini proqnozlaşdırıb. 
“Rusiya tərəfi artıq öz təhlilini bölüşüb ki, uzun müddətdir davam edən münaqişənin həlli ilə heç vaxt məşğul olmayan digər strukturların və oyunçuların regiona nüfuz etməsi heç bir təsir göstərməyəcək. Biz bunun eskalasiyaya, sabitliyin pozulmasına gətirib çıxaracağını və sülh yolu ilə nizamlanma prosesindən uzaqlaşacağını proqnozlaşdırırdıq. İndi biz ağrı və təəssüf hissi ilə sabitliyin pozulmasının müxtəlif təzahürlərinin şahidi oluruq”, - deyə Zaxarova bildirib.скачать dle 12.1