Türkiyədə Qara dənizdən hasil edilən təbii qazın ilk alovlarının havadan görüntüləri yayımlanıb.
Görüntülər Qara dənizdən hasil edilən təbii qazın quruya çıxarılması üçün fəaliyyət göstərən “Türkiyə Petrolleri Anonim Ortaklığı” (TPAO) şirkətinin sosial media hesabında paylaşılıb.
Videoda quruya çıxarılan qazın gecəni işıqlandırdığı anlar əks olunub.
Bununla bağlı TPAO-nun baş direktoru Melih Han Bilgin sevincini ifadə edib.
“Çox şükür... Bu mübarək Ramazan günündə nə qədər şükür etsək, azdır. Millətimizin duaları ilə başladığımız bu yolda prezidentimizin verdiyi tapşırığı yerinə yetirməyin rahatlığını yaşayırıq. Allaha çox şükür ki, bu günü də gördük. Bütün komanda yoldaşlarımızla birlikdə Qara dənizin dərinliklərində kəşf etdiyimiz qazı quruya çıxardıq”, - deyə Melih Han Bilgin qeyd edib.

Mənbə: Haber Globalскачать dle 12.1