Mayın 15-də Rusiya paytaxtında azı üç hava limanında 19 reys təxirə salınıb. Bunu “Yandex.Schedules” xidmətinin məlumatları sübut edir.
Belə ki, Moskvanın “Domodedovo” aeroportunda üç təyyarənin reysi ləğv edilib, səkkiz reysin vaxtı dəyişdirilib. “Vnukovo”da altı reys gecikib. “Şeremetyevo”da iki təyyarənin uçuşu gecikir.
“Jukovski”də qrafikdə pozuntular barədə məlumat yoxdur.
Moskvanın hava limanlarında sərnişin laynerlərinin yoladüşmə vaxtının kütləvi şəkildə dəyişdirilməsinin səbəbi açıqlanmır.
Xatırladaq ki, bundan əvvəl Moskva ilə Antalya arasında uçuşların dayandırılması ilə bağlı xəbər verilmişdi. Rusiya baş konsulluğu məlumatı təkzib edərək, gecikmənin Antalya hava limanında uçuş-eniş zolağında aparılan təmir işləri ilə bağlı olduğunu bildirmişdi.скачать dle 12.1