Britaniya və İran-Britaniya vətəndaşları İranda olduqları təqdirdə İslam Respublikası səlahiyyətliləri tərəfindən özbaşına saxlanılma, sorğu-sual edilmə və ya həbs olunma riski ilə üzləşirlər.
Bu barədə Britaniya Xarici İşlər Nazirliyi xəbərdarlıq edib.
Nazirlik qeyd edib ki, sadəcə Britaniya pasportuna sahib olmaq İran hakimiyyətinə Britaniya vətəndaşlarını hədəf almaq üçün kifayət qədər əsas verir və bu vətəndaşlar İranda aylarla və ya illərlə həbs oluna bilər: "Britaniya vətəndaşları nəzərə almalıdırlar ki, əgər İranda problemlərlə qarşılaşsalar, Britaniya hökuməti onlara kömək edə bilməyəcək. Hazırda İranda olan Britaniya vətəndaşları bu ölkədəki varlıqlarına yenidən baxmalıdırlar.
Böyük Britaniya İrana səfər edən Britaniya vətəndaşlarına qarşı İslam Respublikasının təhlükəsi ilə bağlı xəbərdarlıq etməklə yanaşı, bundan əvvəl də İran hökumətinin agentlərinin Britaniya torpaqlarında bu ölkənin vətəndaşlarına qarşı təhdidini elan etmişdi".скачать dle 12.1