Ukraynalı müdafiəçilər Donetsk vilayətində irəliləməyə davam edir.  
UNİAN xəbər verir ki, Odessa dəniz piyadaları əks-hücum çərçivəsində Donetsk vilayətinin Storojevoye kəndini işğaldan azad edib. 
Dəniz Piyadaları Korpusunun 35-ci Əlahiddə Briqadasının məlumatına görə, qəsəbə 2022-ci ilin martından işğal altındadır: "Qəsəbənin təmizlənməsi zamanı əlliyə yaxın rus öldürülüb, 4 nəfər əsir götürülüb. Bu gün yenidən Storojevoye üzərində dövlət bayrağı dalğalanır və biz bütün Ukrayna torpaqlarını azad edənə qədər hər yaşayış məntəqəsində belə olacaq".
Kəndin işğaldan azad edilməsini Ukrayna Müdafiə Nazirliyi də təsdiqləyib. Nazir müavini Anna Malyar dəniz piyadalarına təşəkkür edib və bütün Ukrayna torpaqlarının azad ediləcəyini vurğulayıb.



скачать dle 12.1