“Avropa İttifaqının (Aİ) Ermənistandakı müşahidə missiyasının tərkibinin genişləndirilməsi məsələsi ilin sonuna qədər Brüsseldə müzakirə ediləcək”.


“Armenpress” xəbər verir ki, bunu jurnalistlərə açıqlamasında Aİ-nin Ermənistandakı müşahidə missiyasının rəhbəri Markus Ritter deyib. 
Onun sözlərinə görə, hazırda missiyaya ittifaqa üzv olan 23 ölkənin nümayəndəsi daxildir: “Missiyaya Aİ-nin bütün 27 üzv ölkəsinin nümayəndələrinin daxil edilməsi imkanları mövcuddur”. 

Avropa İttifaqına üzv olmayan ölkələrin missiyaya qoşulması imkanlarından danışan Ritter xatırladıb ki, Kanada sözügedən missiyaya qoşulmaq barədə qərar qəbul edib: “Başqa ölkələr də bunda maraqlı olsa, bu məsələ Brüsseldə nəzərdən keçiriləcək və müzakirə ediləcək”.
Qeyd edək ki, bu gün Yeğeqnadzor rayonunda Aİ-nin Ermənistandakı missiyasının baş ofisinin açılışı baş tutub.
скачать dle 12.1