Finlandiya Prezidenti Sauli Niinistö Rusiya ilə sərhəddə hərəkətə məhdudiyyətlərin tətbiqini dəstəklədiyni bildirib.
APA Yle-yə istinadən xəbər verir ki, Prezident Niinistö bu barədə jurnalistlərə bildirib.
"Bəli, məncə, bu problemin öz-özünə bitməyəcəyini başa düşmək vacibdir", - Niinistö deyib.
Niinistöyə görə, Finlandiya şərq sərhədində çətin vəziyyətlərlə üzləşə bilər. Onun sözlərinə görə, sığınacaq axtaranların axınının dayandırılması üçün Finlandiya aydın addımlar atmalıdır.
Prezident Niinistö deyib ki, o, həm Baş nazir Petteri Orpo, həm də daxili işlər naziri Mari Rantanen ilə ölkənin şərq sərhədindəki vəziyyəti bir neçə dəfə müzakirə edib. O, hökumətin hazırladığı Sərhəd Mühafizəsi Aktı ilə mümkün olan sərhəd nəqliyyatına qoyulan məhdudiyyətləri dəstəklədiyini bildirib.

Finlandiya Prezidenti əlavə edib ki, Rusiya ilə mövcud diplomatik əlaqələrdən istifadə bu problemi həll edə bilməyəcək.скачать dle 12.1