Göygöl rayonunda qonşusunun qarın nahiyəsinə armatur parçası ilə xəsarət yetirən şəxs saxlanılıb.
"Report"un Qərb Mərkəzinin məlumatına görə, Göygöl rayon sakini, 40 yaşlı Natiq Niftəliyevlə qonşusu 20 yaşlı Nazim Abbaslı arasında mübahisə yaranıb. Mübahisəyə isə tərəflərin övladları arasındakı mübahisə səbəb olub. Bu zaman N.Abbaslı armatur parçası ilə N.Niftəliyevin qarın nahiyəsinə xəsarət (kəsilmiş və deşilmiş) yetirib.
Yaralı öncə Göygöl rayon Mərkəzi Xəstəxanasına aparılıb. Daha sonra Gəncə şəhərində yerləşən xəstəxanaların birinə göndərilib.
Hadisəni törətməkdə şübhəli bilinən şəxs isə saxlanılıb.
Faktla bağlı araşdırma aparılır.скачать dle 12.1