“Mançester Yunayted” Avropa Superliqasının yaradılmasını dəstəkləmir.
Bu barədə İngiltərə klubunun mətbuat xidməti rəsmi açıqlama yayıb.
Xatırladaq ki, dekabrın 21-də, cümə axşamı hüquqi orqan FİFA və UEFA-nın 2021-ci ildə Super Liqanın yaradılmasını qadağan edən hərəkətlərini qanunsuz kimi tanıyıb.
“Bizim fikrimiz dəyişməyib. Biz UEFA-nın himayəsi altında keçirilən yarışlarda iştirak etməyə və klub futbolunu daha da inkişaf etdirmək üçün bu təşkilat, Premyer Liqa və Avropa Klublar Assosiasiyası ilə birlikdə digər komandalarla hər cür işləməyin tam tərəfdarıyıq”, - deyə “Mançester Yunayted” bəyanatında bildirib.
“Atletiko Madrid” də Avropa Superliqasında iştirak etməmək qərarını açıq şəkildə elan edib.
Məlumata görə, “Atletiko”nun bəyanatı üç bənddən ibarətdir:
1. Digər yarışların keçirilməsi ilə bağlı qərar UEFA-nın köhnəlmiş reqlamentinə istinad edir;
2. Avropa Klublar Assosiasiyası və Avropanın ali futbol qurumu UEFA-ya monopoliya kimi baxmağı mənasız edən tərəfdaşlıq qururlar. Müqavilələr vasitəsilə klublar sponsorluq və televiziya hüquqlarının satışı, gəlir bölgüsü və yarış formatları ilə bağlı məsələlərin 50%-ni həll edir;
3. Avropa Futbol Birliyi Avropa Superliqasını dəstəkləmir. Superliqaya Almaniya, Fransa, İngiltərə, İtaliya, İspaniya (“Real Madrid” və “Barselona” istisna olmaqla) və s. qarşı çıxır. Biz daha geniş Avropa futbol ailəsinin qorunmasının, milli liqaların qorunub saxlanmasının və hər mövsüm çıxışlar vasitəsilə Avropa yarışlarına vəsiqənin təmin edilməsinin tərəfdarıyıq”, - deyə “Atletiko”nun saytında verilən açıqlamada deyilib.
Mənbə: championat.comскачать dle 12.1