Pekin-2022 Qış Olimpiya Oyunlarında koronavirusa yoluxanların sayı artıb.

Yarışın Təşkilat Komitəsinin rəsmi saytı xəbər verir ki, daha 11 nəfərin testi pozitiv çıxıb.

Onlardan 7-si idmançılar və rəsmi şəxslərdir.

Qeyd edək ki, Pekin olimpiadasında Azərbaycanı bir idman növü üzrə 2 idmançı təmsil edir. Yarışda fiqurlu konkisürənlər - Vladimir Litvintsev və Yekaterina Ryabova qüvvəsini sınayacaq. Komandanın bayraqdarı olan Litvintsev fevralın 8-i və 10-da buz üzərinə çıxacaq. Fevralın 15-i və 17-də isə Ryabova məharətini sərgiləyəcək.

Pekin-2022 Qış Olimpiya Oyunlarına fevralın 20-də yekun vurulacaq.
скачать dle 12.1