İlqar Abbasovun “kassiri “ və bacanağı Etibar Yolçiyevin Suraxanıda onlarla obyekti var...
İcra başçılarının rəsmi tərcümeyi- halına baxanda xeyli “boşluqlar-probellər” görmək olar. Bəzən 15-20 illik dövr haqqında yazırlar ki, müxtəlif vəzifələrdə işləyib, sahibkarlıqla məşğul olub və s.
Görəsən “müxtəlif vəzifələrin”, yaxud “sahibkarlıq fəaliyyətinin adı-zadı” yoxdurmu ?
Görəsən, Şirvanın icra başçısı İlqar Abbasov niyə yazmağa çəkinir ki, uzun illər Coca-Cola şirkətində çalışmışam, hazırda da ora şərikəm. Bunu yazmaq nə çətin məsələdir.
Bunun əvəzinə yazır ki, 1979-2004-cü illərdə sahibkarlıq fəaliyyəti ilə məşğul olmuşam.
Ay adam, 25 il harada olduğunu, ümumiyyətlə, keçmişini gizlətməyin nə mənası var ?
Əlbəttə, cənab İlqar Abbasov yazmağa utanır ki, adi bir sahibkar olduğum halda, yəni ömrüm boyu bircə gün də idarəetmə təcrübəm olmadığı halda, məni gətirib paytaxt Bakının Nərimanov rayonuna icra başçısı qoydular.
Doğrudan da, dünyanın heç bir yerində belə möcüzə ola bilməz. Bunu ancaq İramis müəllimin sehrli çubuğu edə bilərdi.
İlqar Abbasovla bağlı bir ibrətamiz olayı da danışaq.
Deməli, İlqar Abbasov Suraxanının icra başçısı olanda rayonun Dədə Qorqud qəsəbəsində sahibkarlar hündürmərtəbəli binalar tikirdi. Binalar hazır olmaq ərəfəsində İlqar Abbasov bir gecədə binaları necə dağıtdısa, ətraf Suriyanı, İraqı xatırladırdı. Sahibkarlar hətta binanı özləri söküb materiallarını daşımaq istəsə də İlqar Abbasov buna da razılıq vermədi. Sonradan sahibkarlardan biri İlqar Abbasova zəng edərək, ona nələr demədi...və dedi ki, zamanı çatanda cavabını verəcəksən...
Nə isə, 25 il “gizli fəaliyyətlə” məşğul olan İlqar Abbasov 2004-2005-ci illərdə Nərimanov, 2005-2019-cu illər Suraxanı rayonlarına rəhbərlik edib. 2019- cu ildən isə Şirvan şəhərinin icra başçısıdır.
İlqar Abbasov həmişə deyir ki, rayonları “arendaya” götürürüəm.
Bəli, unutmaq lazım deyil ki, biznesmenin cibi olur, onun üçün dövlət və millət marağı deyilən şey yoxdur.
Ona görə də biznesmen İlqar Abbasov üçün icra başçısı olmaq ən gəlirli biznes sahəsidir.
İlqar Abbasov Nərimanov rayonunda ən bahalı torpaqları satdı, tikinti, obyekt və s adı altında milyonlar qazandı.
İlqar Abbasovun bir xüsusiyyəti də var.
Belə ki, hansı rayona gedirsə, qohum-əqrəbasını yığıb özünə müavin, köməkçi, şöbə müdiri aparır. Bir deyən yoxdur ki, ay yoldaş, bura dövlət qurumudur e, bu sənin üçün ailə arendası deyil, şirkət deyil.
Yuxarıda əbəs yerə yazmadıq ki, bu adam üçün sanki dövlət anlayışı yoxdur, əsl tayfabaşıdır.
Nə isə, Nərimanovdan sonra İlqar Abbasov uzun müddət, 14-15 il Suraxanıda lövbər saldı.
Cənab başçı Suraxanıda da abadlıq, insanların rifahını yaxşılaşdırmaq əvəzinə ancaq torpaq alveri, tikintilərə icazə vermək bazarlığı, özünün ticarət obyektlərini artırmaqla məşğul oldu.
İlqar Abbasovun təyin etdiyi icra nümayəndələri isə ancaq küçə ticarəti ilə məşğul olanlardan aylıq pul yığmaqla məşğul olublar.
Yuxarıda qeyd etdik ki, İlqar Abbasov hara gedirsə, qohum-əqrəbasını da özü ilə aparır.
Təsəvvür edirsiniz, başçının Suraxanıda müavini və “kassiri “ bacanağı Etibar Yolçiyev idi.
Bu gün Suraxanıda Etibar Yolçiyevin onlarla ticarət obyekti var.
Şirvanın icra başçısı İlqar Abbasov bu gün də Suraxanıdakı obyektlərindən aylıq alır.
Bəli, İlqar Abbasov Nərimanovda, Suraxanıda qazandığı alış-veriş təcrübəsini indi də Şirvanda tətbiq edir.
Hələ bu harasıdır ?
İlqar Abbasovun icra başçısı olduğu rayonda idarə müdirinin süpürgəçi qadına əxlaqsız təklifi bir saatda ölkə mediasının manşetini zəbt etdi.
Ancaq ən təəcüblüsü odur ki, İlqar Abbasovun bircə dəfə də səsi çıxmadı. Çünki özünün də qara əməlləri var axı…
Həm də İlqar Abbasovun başı Şirvanda 30 min manata 1 sot torpaq satmağa elə qarışıb ki…
Yeri gəlmişkən, İlqar Abbasovun problemləri də var, yəni hərdən elə siyasi səhv buraxır ki…
Bəli, İlqar Abbasov bir “dar məclisdə” kefinin yaxşı vaxtı medianın ünvanına xeyli “tərif” yağdırarq, “Nə yazırlar yazsınlar vecimə də deyil” deyərək, sonda ”Guya Prezident bilmir ki, biz icra başçıları nə edirik..” kimi siyasi səhv buraxıb.
İlqar Abbasov, birincisi, medianın ünvanına dediyin “tərif”lərə sən özün layiqsən...
Unutma ki, Prezident medianın dostudur.
İkincisi, Prezident nə bilsin ki, sən Şirvanda hansı oyunlardan çıxırsan, torpaqları neçəyə satırsan..?
Prezidentin məlumatı olan kimi o biri icra başçıları kimi səni də göndərəcək layiq olduğun yerə.
Tələsmə, İlqar Abbasov, lap az qalıb...
Yanındakı qohumlarına da de, hazırlıq görsünlər..
Karantin dövründə sahibkarlardan yığdığın pullarla bağlı isə növbəti yazıda bəhs edəcəyik. /Gundelik-baku.com/