“Azərbaycan Meliorasiya və Su Təsərrüfatı” Açıq Səhmdar Cəmiyyəti ilə bağlı uzun-uzadı yazmadan qısaca onu deyə bilərik ki, ölkədə bu boyda stukturu, idarələri, bazaları, maddi-texniki avadanlıqları olan, nazirlik az ola bilər.
Yəni bu qurum sıradan bir ASC deyil. Bu qurumun dövriyyəsində milyonlar dövr edir.
İkincisi, bu qurum haqqında konkret sözü cənab Prezident İlham Əliyev deyib.
Məlumdur ki, iyulun 23-də Azərbaycan Respublikasının Prezidenti İlham Əliyevin yanında su təsərrüfatının vəziyyətinə həsr olunmuş müşavirə keçirilib. Və cənab ölkə başçısı deyib ki, əgər, dəhşətli dərəcədə bu itkilər olmasaydı, biz mövcud su resursları ilə özümüzü tam təmin edə bilərdik: “ İndi bu məsələ araşdırılır, bəzi hallarda itkilər 40 faizdir və 50 faizə çatır, bu, dözülməzdir”.
Bəli, DÖZÜLMƏZDİR...
Və cənab Prezident bütün bunları nəzərə alaraq Zaur Mikayılovu ASC-yə sədr təyin edərkən qəbul etdi və dedi:
“Sizi bu vəzifəyə təyin edərkən bu tövsiyələrimi verərək əmin olduğumu bildirmək istəyirəm ki, siz bu yüksək etimadı doğruldacaqsınız”.
Cənab Zaur Mikayılov, siz bu etimadı doğruldursunuzmu?
Axı, vəzifəyə təyin olunduğunuz 1 ilə yaxındır.
Amma ASC-də 40-50 faiz suyun itkisinə səbəb olan sədr müavinləri Rafiq Aslanov, Zakir Quliyev, Aparat Rəhbəri Cahan Məmmədov və başqaları yenə əvvəlki kimi maxinasiyalarla məşğul olur, yenə pul qazanırlar.
Cənab Zaur Mikayılov !
Əslində 40-50 faiz su itkisi olmayıb. Həmin suyun dəyəri olan milyonlar Rafiq Aslanovun, Zakir Quliyevin cibinə gedib və bu gün həmin milyonlar Londonda, Parisdə, Çexiyada mülklərə çevrilib və biznesə sərf olunub.
Təkcə bir nümunə deyək.
Həmin pulların yetərli hissəsi ASC-nin tabeçiliyində olan Neftçala Suvarma Sistemləri İdarəsinin rəisi Elçin Əsədov kimi idarə rəsilərinin şəxsi əmlakına dönüb.
Söhbət təkcə Elçin Əsədovdan getmir. Digər İdarə rəisləri də dövlət vəsaitini mənimsəyərək milyonçuya çevriliblər.
ASC-yə məxsus idarələr nə qədər köhnə avadanlıqları, nasosları “kraska”layaraq təzə adı ilə sənədləşdirib satacaq, milyonlar qazanacaq ?
ASC-nin İdarə rəisləri hələ neçə il fermerlərdən 5 dəfə artıq rüsum tələb edəcək, idarəyə ayrılan yanacağı, transformatorları, elektrik mühərriklərini, nasos aqreqatlarını satacaqlar ?
Buna bir DUR deyən olmayacaq, cənab Mikaylov ?
Yaxşı, cənab Zaur Mikaylov, bunları keçmişin ayağına yazaq.
Bəs gəldiyiniz 1 ildə hansı yeniliyə, hansı islahata nail oldunuz ?
Atalar demişkən, köhnə hamam, köhnə....su anbarları...
Bu bir ildə nə dəyişdi ?
Yenə Rafiq Aslanovun, Zakir Quliyevin korrupsioner çevrəsi əvvəlki əməllərini davam etdirir.
Yenə bəndvurma, gil təmizləmə, kanalların təmiri, yeni avadanlıqların alınması adı altında dövlətin milyonları talan olur.
Yenə fermerlər, sahibkarlar, balıq yetişdirən nohur sahibləri, adi kəndlilər su idarələrinin rəsilərinin əlindən beziblər.
Vallah, belə davam edərsə, bir neçə ildən sonra ölkədə su itkisi 60-70 faizə çatacaq.
İndi özünüz nəticə çıxardın, cənab Zaur Mikayılov. /Gundelik-baku.com/