İlham Quliyev 10 il harada işlədiyini niyə gizlədir ?
Sabiq nazir müavini İlham Quliyev haqqında təkcə onu deyə bilərik ki, bu adam 5 nazirlə işləyib, həmişə də nazirliyin “qara kassası” olub.
Kimin şübhəsi varsa, buyurub tanış ola bilər.
İlham Quliyev 1993-1994-cü illərdə kənd təsərrüfatı naziri Müzamil Abdullayevlə, 1994-2004-cü illərdə nazir İrşad Əliyevlə, 2004-2013-cü illərdə nazir İsmət Abbasovla, 2013-2018-ci illərdə nazir Heydər Əsədovla, 2018-2020-ci illərdə isə nazir İnam Kərimovla işləyib.
Yəni İlham Quliyev 28 il Kənd Təsərrüfatı Nazirliyində maliyyə-nəzarət-təftiş məsələlərinə baxıb və üstəlik nazirliyin fermerlərə, sahibkarlara verdiyi milyonlarla subsidiyaların “başında” dayanıb.
Birincisi, 5 naziri yola vermək, 5 nazirlə dil tapmaq özü İlham Quliyevin hansı fərasət sahibi olduğunu göstərir.
İkincisi, bu adam inşaat mühəndisi olduğu halda, 28 il Kənd Təsərrüfatı Nazirliyində maliyyə məsələlərinə necə baxa bilərdi ?
Deməli, ortada ciddi dayaq, yəni “krışa” olub.
Bəli, İlham Quliyev riyazi cəhətdən çox savadsız bir əyalət adamı olduğu halda bu boyda vəzifələri daşıya bilməzdi.
Onu bu mühüm vəzifələrdə saxlayan məhz o zamankı baş prokuror Zakir Qaralov olub.
Zakir Qaralovun tapşırığı ilə nazirlər İlham Quliyevə toxuna bilməyib.
Və Zakir Qaralov baş prokuror vəzifəsindən gedən kimi İlham Quliyevi vəzifəsindən uzaqlaşdırdılar.
Təkcə uzaqlaşdırmadılar, deyilənə görə nazirliyin koridorunda möhkəm döyüb burnunu sındırdılar.
İlham Quliyevin milli mənəvi dəyərlərimizə uyğun olmayan, mentalitetimizə zidd olan hərəkətləri barədə çox yazmaq olar.
Onun 100 milyonlarla subsidiyaları banklarla danışıb necə “obnaliçka” etməsi barədə uzun-uzadı yazmaq olar.
Təkcə bir məsələyə toxunaq.
İlham Quliyev 10 il harada işlədiyini ciddi şəkildə gizlədir və yazır ki, müxtəlif dövlət orqanlarında rəhbər vəzifələrdə çalışıb.
Necə yəni MÜXTƏLİF...necə yəni RƏHBƏR...
Bu müxtəlif dövlət orqanlarından birinin adını çəkə bilməzsənmi, cənab əyalət adamı ?
Niyə çəkmirsən ?
Çünki divin canı şüşədə olan kimi sənin də canın, daha doğrusu, əməllərin orada gizlənib...
Bəli, İlham Quliyev döyülüb, nazir müavini vəzifəsindən uzaqlaşdırılan kimi yeni vəzifə axtarmağa başladı.
Və lövbərini “Azərsu” ASC-yə salaraq İdarə rəisinin müavini oldu.
Elə bilirsiniz, İlham Quliyev “Azərsu”da hansısa idarənin rəis müavini olmaq istəyir ?
Əsla. Bu adamın könlündən başsız qalan “Azərsu”da rəhbər olmaq keçir.
Amma unudur ki, Zakir Qaralovun kitabı artıq bağlanıb, onun daydayısı Ramiz Mehdiyevisə vəzifədən uzaqlaşdırıblar. Zakir Qaralovun başı “Akkord”un borclarına qarışıb.
İlham Quliyev bir şeyi də unudur ki, məişət pozqunundan, mənəviyyatsız adamdan rəhbər işçi olmaz. İşlədiyi müxtəlif qurumlarda uşaq doğuzdurmaqla, mamaçalıqla məşğul olan birisinə vəzifə etibar etmək, suyumuza, əxlaqımıza haram qatmaq kimi bir şey olar.
Bu adamı vəzifələrdən “deport” etmək lazımdır ki, layiq olduğu cəzanı alsın.
Hətta bu adamın 28 il dövlətdən oğurladığı milyonlar dövlətə qaytarılmalıdır. /Gundelik-baku.com/