“Nə ötən il, nə də bu il məktəblilər onlayn dərslərə qoşula bilib. Səbəb telefon xəttinin olmaması üzündən internetə qoşula bilməməyimizdir. Nəticədə uşaqlar təhsildə geriləyir. Sanki ölkədəki onlayn təhsilin bizim kəndə heç bir aidiyyəti yoxdur”.
Göyçayın Bəydövül kənd sakinləri Meydan TV-yə danışırlar ki, kənddə telefon xəttinin olmaması ilk növbədə məktəblilərə problemlər yaradıb. Onlar 1 ildən çoxdur ölkə ərazisində tətbiq olunan onlayn təhsildən kənarda qalıblar.
“Kəndin məktəbliləri kor-koranə yaşayır”
Kənd sakini Nüsrət Qurbanov danışır:
“Mənim bir övladım məktəblidir, ancaq 1 ildir ki, internetin olmaması üzündən təhsildən kənarda qalıb. Yuxarı sinif şagirdləri imtahanlara, məzunlar ali məktəbə hazırlaşmalıdır, bu məsələdə ən böyuk dəstəkləri internetdir. İnternet bu uşaqlara hava-su kimi vacibdir. Məlumatlar, əlavə bilgilər ordadır. Ancaq sanki sivilizasiya bizim kəndə gəlib çatmayıb. Kəndimizin yeniyetmələri, gəncləri kor-koranə həyat sürür”.
Kənd sakinləri Prezident Administrasiyasına, Nəqliyyat, Rabitə və Yüksək Texnologiyalar Nazirliyinə müraciət edib, ancaq müsbət cavab ala bilməyiblər. Nüsrət Qurbanov deyir, Bəydövül rayonda telekommunikasiyası olmayan yeganə kənddir.
“Qarşıdan imtahanlar gəlir, amma…”
“Demək olar ki, bütün kəndlərdə telefon xətti də var, internet də… Bircə Bəydövül bu vəziyyətdədir. Prezident Administrasiyasından, icra hakimiyyətindən, aidiyyəti üzrə nazirlikdən tutmuş hər yerə müraciət etmişik. İki mindən çox əhalisi olan kəndin telekommunikasiya problemi heç kimi narahat etmir. Qarşıdan yuxarı siniflərin imtahanları gəlir, ancaq uşaqlar heç dərs edə bilmir, o ki qala imtahana hazırlaşalar”, – şikayətçi deyir
“Müasir texniki avadanlıqlar quraşdırılacaq”
Göyçay Rayon İcra Hakimiyyətindən bildirilib ki, Bəydövül kənd ərazisində rabitə xidmətlərinin təminatıyla əlaqədar texnoloji quraşdırma işləri aparılmadığından problemin həlli hazırda mümkün deyil:
“Həmin ərazidə telekommunikasiya xidmətinin yüksək səviyyədə göstərilməsi üçün müasir növ texniki avadanlıqlar quraşdırılacaq. Yalnız bundan sonra “Aztelekom” MMC-nin Göyçay Telekommunikasiya Qovşağı tərəfindən rabitə xidməti göstəriləcək”.
“Kəndin məktəbliləri kor-koranə yaşayır” - GİLEY
20
aprel
11:16

Qarabağ
KOMMENTLƏR
Yəqin ki gənc nazirimizə bu FAKTLAR MARAQLIDIR... - Övladlarımızı NECƏ OXUDAQ?
Sakinlər övladlarını oxutdura bilmirlər... - GİLEY
Bu kəndin məktəbliləri pandemiyada bir dəfə də olsun təhsil üzü görməyiblər... - Kənddə telefon xətti belə yoxdur...
Onlayn dərslərə qoşulmayan şagirdləri hansı cəza gözləyir? - Nazirlikdən AÇIQLAMA
Hövsanın Bağlar yaşayış massivinin sakinləri telefonsuz qalıblar - Fotolar
- Netanyahu İlham Əliyevi təbrik etdi
- Prezident yol tikintisinə 1,5 milyon manat ayırdı - SƏRƏNCAM
- Fərid Hüseynov: Süni intellektin yıxdığı sənət aləmi aktyorlar, rejissorlar, reklamçılar təhlükədə! SOS
- "Mega Palace", "Bəyaz Saray" və digər restoranlar cərimələndi
- "Trampın Ukrayna münaqişəsi ilə bağlı səbri tükənib"
- "Putin, Tramp və Zelenski çətin ki, görüşsün"
- Ceyhun Bayramov Keniya Prezidenti ilə GÖRÜŞDÜ
- "Elm və təhsillə bağlı strategiyanın hədəflərinə nail olunmayıb" - Deputat
- İlham Əliyev Tokayevi təbrik etdi
- Sənədsiz evlərdə yaşayanlara sevindirici xəbər