2023-cü ilin yanvar-noyabr aylarında Azərbaycanda banklara sürətli pulköçürmə sistemləri vasitəsilə 2 milyard 267,4 milyon manat vəsait daxil olub. Azərbaycanda banklardan xaricə göndərilən vəsaitin həcmi isə 564,8 milyon manata bərabər olub.
Bu barədə Mərkəzi Bank məlumat yayıb.
Bildirilib ki, ötən ilin yanvar-noyabr aylarına nisbətən sürətli pulköçürmə sistemləri vasitəsi ilə banklara daxil olan vəsaitin həcmi 58% və ya 3 milyard 131,4 milyon manat, banklardan xaricə köçürmələr isə 38,2% və ya 349,7 milyon manat azalıb.
Qeyd edək ki, ötən ilin ilk 11 ayında Azərbaycanda banklara sürətli pulköçürmə sistemləri vasitəsi ilə 5 milyard 398,8 milyon manat daxil olub. Banklardan xaricə göndərilən vəsaitin həcmi isə 914,5 milyon manat təşkil edib.
Bakı
5°C