"Sərtləşdirilmiş karantin rejiminin müddəti 18 yanvardan sonra uzadılmaya bilər". 
Bunu Milli Məclisin sosial siyasət komitəsinin sədri Musa Quliyev ''Xəzər Xəbər''ə açıqlamasında deyib. O, həmçinin özəl klinikaların vaksinasiya prosesinə cəlb edilməsini təklif edib.
Ölkənin bəzi şəhər və rayonlarında 18 yanvara qədər davam edəcək sərt karantin rejiminin müddəti uzadılmaya bilər. Bunu Milli Məclisin Sosial Siyasət Komitəsinin sədri, millət vəkili Musa Quliyevin sözlərinə görə, buna qarşıdakı 1 həftədən sonra qərar veriləcək.
Millət vəkili deyir ki, koronavirusla mübarizə artıq dünyada sonuncu mərhələdədir. Yəni vaksinasiya prosesi başlayıb və bununla da bu xəstəlik bütün dünyada dövri bir xəstəlik kimi qala bilər.
Millət vəkili könüllü əsasda dövlət tərəfindən pulsuz həyata keçiriləcək vaksinasiya prosesinə özəl sektorun da cəlb olunmasını təklif edir. Yəni bu işlə məşğul olacaq şirkətlər təsdiqlənmiş digər vaksinləri də gətirib, könüllü şəkildə istəyənlərə vura bilsin
Millət vəkili hesab edir ki, həm insanlara, həm də özəl sektora bu imkan yaradılacaq.
 
скачать dle 12.1