"Putinin qərarından sonra baş verənlər Ukrayna-Rusiya arasındakı müharibəni qaçılmaz etdi".
Bunu açıqlamasında hərbi ekpsert Ədalət Verdiyev deyib. Ekspertin sözlərinə görə, Rusiya Liberal Demokrat Partiyasının lideri Vladimir Jirinovski də bir neçə həftə əvvəl bu barədə məlumat vermişdi:
"Jirinovski həftələr öncə fevralın 22-də saat 04:00-da müharibənin başlanacağı anonsunu Rusiya Dövlət Dumasından bəyan etmişdi. Rusiya dolayası yolla Donetsk və Luqanskın müstəqilliyini tanıması ilə Rusiya və NATO arasında təhlükəsizlik zonasını yaratmış oldu. Biz isə Azərbaycan olaraq, separatizmdən uzun müddət əziyyət çəkən bir ölkə kimi Rusiya ilə münasibətlərimizi nə qədər yaxşılaşdırmaq istiqamətində addımlar atmaqla bərabər heç bir halda Luqansk, Donetsk və ya Krımın Rusiya ərazisi kimi tanınmasını bəyan edə bilmərik. Biz Ukrayna ilə müttəfiqlik əlaqələrimiz var və onların ərazi bütövlüyünü birmənalı olaraq dəstəkləyirik".  
Ədalət Verdiyev həmçinin Putinin ötən gecə "Lenin Ukraynanın müəllifi və memarıdır" açıqlamasına da şərh bildirib:
"Leninin verdiyi hər hansı bir bəyanət əsasında 21-ci əsrdə Ukrayna kimi ölkənin rahatlıqla Rusiya tərəfindən işğal olunsun. Bu, real deyil. Amma istənilən anda Ukraynanın ərazi bütövlüyü, müstəqilliyi və  suverenliyi üçün bir  təhdid yaranıb. Maraqlısı budur ki, Ukrayna artıq həm Krım, həm də  Donetsk və  Luqansk məsələsində Qərb və  NATO-dan gözlədiyi lazımi dəstəyi ala bilmədi. Eyni faciəni zamanında Gürcüstanda yaşamışdı. Və nəticədə Abxaziya və Osetiyanı Rusiya müstəqilliyini tanımaqla özünükləşdirə bildi. Biz Qərb tərəfdən bu  günə qədər yalnız bəyanatlar eşitdik, real Ukraynanın təhlükəsizliyinin və ərazi bütövlüyünün təminatı üçün real addımlar atılmadı. Rusiyanın bu addımları da cavabsız qalmayacaq. Belə  ki, ona qarşı iqtisadi-siyasi  sanksiyalar tətbiq ediləcək, müəyyən məhdudlaşdırma olacaq və s. Bunların heç biri Ukraynanın ərazi  bütövlüyünün təminatına zəmanət vermir". 
скачать dle 12.1