"Klubdakı partlayışdan sonra 3 aydır ki, yoxlamalar davam edir".
Bunu SƏTƏM və keyfiyyətə nəzarət şöbəsinin rəisi İlkin Behbudov "Azəriqaz" İstehsalat Birliyinin "Açıq qapı" aksiyasında deyib. Onun sözlərinə görə, bununla bağlı energetika və fövqəladə hallar nazirlikləri və "Azəriqaz"ın işçilərindən ibarət qrup yaradılıb:
"İndiyə qədər 2600 obyektdə yoxlama aparılıb. Onlardan 420 obyektdə qanunsuzluqlar aşkarlanıb. 290 obyektdə sayğac çıxarılıb, 133 müəssisədə isə qaz təchizatı dayandırılıb. Onu da qeyd edim bunlar tək Bakını deyil, regionları da əhatə edir. Bakıya nisbətən regionlarda qanunsuzluqlar daha az aşkarlanır".
Qeyd edək ki, aprelin 3-də paytaxtın Səbail rayonu, Nizami küçəsindəki "Location" gecə klubunda qaz balonu partlayıb. Nəticədə 4 nəfər ölüb, 35-dən çox adam yaralanıb.
скачать dle 12.1