Sentyabrın 3-də Ermənistanın Ararat mərzində fövqəladə vəziyyət yaranıb. Bir neçə kəndin sakinləri üzüm alqı-satqısının aşağı qiymətə olmasına etiraz olaraq İrəvan-Yerasxavan magistral şossesinin Xor Virap yaxınlığında kəsişməsindəki əsas yolunu bağlayıblar.
Moderator.az xəbər verir ki, bu barədə işğalçı ölkənin Shamshyan.com saytı məlumat yayıb.
Ermənistan-İran magistral yolunun hərəkəti hər iki istiqamətdə də bağlanıb. Etirazçılar hökümət və Ararat mərzi nümayəndələri ilə görüş tələb ediblər.
Daha sonra Ararat mərzinin qubernatoru Qarik Sarkisyan və Ararat regional polis idarəsinin rəisi Kamo Tsutsulyan etirazçılar ilə görüşüb. Kəndlilərlə bölgə rəhbərliyi çaxır zavodları direktorlarının da qatılacağı görüş barədə razılığa gəliblər.скачать dle 12.1