Meşələrin İnkişafı Xidmətində baş verən özbaşınalıqlar daha böyük vüsət alır. Belə ki, Namik Xıdırov getdikdən sonra Xidmət rəisi təyin olunan Xalıqverdi Hüseynov Regional Meşə Təsərrüfatları Mərkəzlərində baş verən qeyri-qanuni torpaq zəbtlərinə nəinki göz yumur, hətta bilavasitə şərait də yaradır.
Sabirabad Regional Meşə Təsərrüfatı Mərkəzində vəziyyət daha da acınacaqlıdır.
Bu yaxınlarda Xidmət tərəfindən keçirilmiş yoxlamalar zamanı aşkar olunan zəbtlər 650 hektardan çoxdur. Salyan meşəbəyliyində 105 ha, Saatlı meşəbəyliyində 100 ha, Sabirabad 200, Şirvan 150 ha , Sığırlı da isə 110 ha zəbt aşkar olunmuşdur.

Sığırlı meşəbəyliyində əkilən 110 ha taxıl Mərkəzin direktoru Vüsal Talıblı və onun müavini-baş meşəbəyi Yusif Məmmədov tərəfindən əkilib.
Digər meşəbəyliklərdə də onların əkinləri vardır.

Zəbt olunan dövlət meşə fondu torpaqları ayrı-ayrı vətəndaşlara qeyri-qanuni yollarla verilərək zəbt edilmişdir.
Sanki Sabirabad Regional Meşə Təsərrüfatı Mərkəzi özəlləşdirilib.
Əkin üçün ayrılan yanacaq talan edilir,
meşə əkinlərinin suvarılması üçün nəzərdə tutulan yanacaq mənimsənilərək heç bir suvarma işi aparılmır, əkilmiş əkinlər baxımsızlıqdan məhv olaraq külli miqdarda dövlətə ziyan vurulur.

Qarşı tərəfi dinləməyə hazırıq //azinfo.tv//скачать dle 12.1