Karyerasında son olaraq "Qalatasaray"ı çalışdıran baş məşqçi Fatih Terim təxminən 2 ildən sonra yaşıl meydanlara qayıdıb.
Yunanıstan Superliqa komandalarından olan "Panatinaikos"la anlaşan Terim bu gün yeni klubunda işə başlayacaq. 
"Qalatasaray" klubu və Türkiyə yığmasının əfsanəvi məşqçisi Fatih Terimin "Panatinaikos"la anlaşması Yunanıstanda da böyük əks-səda yaradıb.
Yerli mətbuat Terimlə bağlı bunları yazıb: "Rəhbərliyin qərarı məntiqli deyil, amma Terim böyük simadır. Hər məşqçi kimi, o da komandada gördüyü işlərlə qiymətləndiriləcək. Klubu çempion etsə, hər şey unudulacaq. Qalib olmasa, sadəcə damğa vurmuş olacaq" .
Qeyd edək ki, lubdan verilən açıqlamada "Xoş gəldin İmperator Fatih Terim" sözləri işlədilib. Terim sosial media hesabından klubun paylaşımına cavab olaraq "Salam Panathinaikos",-deyə yazıb. 
Xatırladaq ki, 13 ildir çempionluğa həsrət qalan "yaşıl-ağlar" Yunanıstan Liqasında 34 xalla ikinci pillədə qərarlaşıb. PAOK 35 xalla liderdir.
скачать dle 12.1