Finlandiya hökuməti hələlik Rusiya ilə sərhəddəki keçid məntəqələrinin blokadasını aradan qaldırmaq niyyətində deyil.
Bu barədə Helsingin Sanomat nəşri rəsmi mənbələrə istinadən məlumat yayıb .
“Əksər mənbələrə görə, hökumətin niyyəti dəyişməyib: Rusiya hibrid əməliyyatları davam etdikcə məhdudiyyətlər qüvvədə qalacaq.
Qeyd olunur ki, Finlandiya hakimiyyəti bu həftə karantin rejiminin yanvarın 14-nə qədər uzadılması ilə bağlı qərar qəbul etməlidir. Məhdudiyyətlərin uzadılması ehtimalı həm də ona görə yüksəkdir ki, hökumət yanvar ayında ölkənin şərq sərhədinin mühafizəsi məsələsi ilə bağlı geniş müzakirədə iştirak etməyib, çünki əksər nazirlər məzuniyyətdədir.
Finlandiya Sərhəd Mühafizəsi keçid məntəqəsini iki dəfə bağlayıb. Birincisi, avtomobil keçid məntəqələri 2022-ci il noyabrın 30-dan dekabrın 14-dək bağlanıb. Daha sonra iki keçid məntəqəsi açılsa da, miqrant axını bərpa olunub. Nazirlər Kabineti sərhədlərin bağlanmasının müddətinin yanvarın 14-dək uzadılması barədə qərar qəbul edib .
скачать dle 12.1