Bakı 3-5 oktyabr 2024-cü il tarixlərində Beynəlxalq Konqres və Konvensiya Assosiasiyasının dünyanın müxtəlif ölkələrindən olan 15-ə yaxın üzvünü və onların müştərilərini bir araya gətirəcək beynəlxalq tədbirə ev sahibliyi edəcək.
Bakı Konqres Mərkəzində baş tutacaq “ICCA Venue Business Workshop International 2024” adlı tədbir çərçivəsində 121 işgüzar görüşün keçirilməsi nəzərdə tutulur. ICCA dünyanın 100-ə yaxın ölkə və regionunda 1100-dən çox üzvü ilə beynəlxalq görüşlər və tədbirlərin idarə edilməsi və keçirilməsində aparıcı çətir təşkilatlarından biridir. Assosiasiya üzvləri arasında əməkdaşlığı və ünsiyyəti artırmaqla şəbəkələşmə, bilik mübadiləsi və biznesin inkişafı üçün əvəzolunmaz bir platforma rolu oynayır.
Qeyd edək ki, Assosiasiya tərəfindən təşkil edilən “ICCA Venue Business Workshop International” dünyanın hər yerindən peşəkarları, qərar qəbul etməkdə həlledici rolu olan şəxsləri və düşüncə liderlərini bir araya gətirən qlobal görüşlər sahəsində əlamətdar tədbirdir.
Bakı
5°C