Ermənistanın Baş naziri Nikol Paşinyanın hakimiyyətdən devrilməsi prosesinə start verilib. 
Yenisabah.az xəbər verir ki, artıq erməni mediası Paşinyanın yaxın vaxtlarda devrilə biləcəyini yazır. Baş nazirin hətta erkən parlament seçkiləri keçirmək şansı belə yoxdur. Baxmayaraq ki, artıq Paşinyan və komandası növbədənkənar parlament seçkilərinin keçirilməsinin zəruri olduğunu düşünürlər.
Erməni mediası xüsusilə ölkənin ikinci prezidenti Robert Köçəryanın bu günlərdə Rusiyaya üçgünlük səfərinə diqqət çəkir. Bildirilir ki, Köçəryan artıq Moskvadadır. Doğrudur, bu qəfil səfər maliyyə korporasiyası olan “Sistem” SC-nin direktorlar şurasının iclasında iştirakla da əlaqələndilir. Çünki Robert Köçəryan da bu korporasiyanın direktorlar şurasının üzvüdür. Lakin bu məsələnin görünən tərəfidir.
Köçəryanın Rusiyadakı erməni diasporası və siyasi dairələrlə görüş keçirəcəyi barədə ehtimallar var. Hətta onun Rusiyanın Prezidenti Vladimir Putinlə də görüşəcəyi istisna deyil.
Siyasi analitiklər hesab edir ki, Köçəryanın Moskva səfərindən sonra Ermənistanda Paşinyan hakimiyyətinə qarşı etirazlar daha şiddətli xarakter ala bilər.
Hələlik Paşinyanın devirdiyi Qarabağ klanı tam gücünü ortaya qoymayıb. Köçəryan barəsində cinayət işinin olması və onun hazırda məhkəmə prosesinin getməsi ona bağlı qüvvələrin hələlik bir qədər loyal münasibət sərgiləyir. Amma artıq vaxt yetişib.
Bundan əvvəl Ermənistanın prezidenti Armen Sarkisyan Moskvaya səfər etmişdi. O da Moskvada erməni icması ilə görüşlər keçirmişdi. Bundan sonra isə Paşinyanın əleyhdarlarına dəstəyini nümayiş etdirmişdi.скачать dle 12.1