Azərbaycanın Qarabağ müharibəsində qələbəsi yeni reallıq ortaya qoydu.
Ermənistan son 27-28 ildə sahibləndiyi mövqelərdən geri çəkilməli oldu. Dekabrın 17-də Qafan meri Gevork Parsyan bir sıra əlverişli mövqeləri Azərbaycana təhvil verməli olduqlarını təəssüflə qeyd etmişdi.
Qafanda ekskavatorla sərhəd xətti qazmağa başlayıblar. Ermənistan saytlarında bununla bağlı video yer alıb. Burada ekskavatorun işləməsi nəzərə çarpır. Ermənistan saytları yazır ki, sərhəd xətti qazılmasına görə Qafandan Zəngilana uzanan yol bağlanıb.
Dekabrın 18-də Ermənistan Müdafiə Nazirliyi Qafan sakinlərini sovet dövründəki sərhədə qədər geri çəkilməklə bağlı xəbərdar edib. Təhlükəsizlik Şurasının katibi Armen Qriqoryan tənqidlərə cavab olaraq deyib ki, hər şey sənədlərdə nəzərdə tutulan plan üzrə gedir. Amma katib konkret hansı sənəddən söhbət getdiyini bildirməyib.
Bəzi yaşayış məntəqələrinin boşaldılması məcburiyyəti Qafan və ətraf ərazilərdə ciddi narazılığa səbəb olub. Dekbrın 18-də gün ərzində buna görə etiraz aksiyaları keçirilib.
скачать dle 12.1