Ermənistanın Sünik vilayətində gərginlik davam edir. 
Bakısəsi erməni mediasına istinadən xəbər verir ki, əhalini Baş nazir Nikol Paşinyanın Sünikə səfərinə mane olmağa çağıran Gorusun meri Aruş Aruşanyanın saxlanılması vəziyyəti daha dramatikləşdirib.
Gorusun vitse-meri İrina Yolyan deyib ki, Aruş Aruşanyan faktiki olaraq oğurlanıb. “Gorusun meri faktiki olaraq oğurlanıb. Mən elə indicə Aruş Aruşanyanın vəkili David Karapetyan və Armen Melkonyanla danışmışam. Vəkillər hələ də polisdən hər hansı məlumat ala bilməyiblər. Artıq bu barədə Ombudsmana məlumat verilib. Faktiki olaraq polisin qanunsuzluğu nəticəsində Aruşanyan 6 saatdır ki, azadlıqdan məhrum edilib”, - deyə o bildirib.скачать dle 12.1