“Fevralın 16-da Rusiyanın Ukraynaya müdaxiləsi ehtimalı həmişə həddən artıq şişirdilib. Diqqət edilməli olan məsələ fevralın 20-dən qısa müddət sonra baş verəcəklərdir”.
Bu barədə “Politico” nəşri yazıb.
Nəşr öz mənbələrinə istinadən bildirir ki, 16 fevral diqqəti əsas hadisələrdən yayındırmaq üçün ortaya atılmış bir tarixdir:
“20 fevral Soyuq Müharibədən bəri ən böyük hərbi təlimin başa çatması üçün planlaşdırılan zamandır Bundan sonra Moskva və Minskdəki liderlər Rusiyanın qoşunlarının vətənə dönəcəyini vəd etdilər”.
Fevralın 20-si həm də Pekində keçirilən Qış Olimpiya Oyunlarının son günüdür. Bildirilir ki, bəzi fərziyyələrə görə Putin Çin liderini “xoşbəxt etmək” üçün bağlanış mərasimlərindən əvvəl “işğal”a başlamayacaq.
Nəşr yazır ki, bu fərziyyələrin doğru olma ehtimalı azdır. Çünki Rusiyanın 2008-ci ildə Gürcüstana hücumu məhz  Pekin Yay Olimpiya Oyunları zamanı baş verib.
Bundan əlavə, məhz fevralın 20-si Ukrayna Prezidenti Vladimir Zelenski və ABŞ Dövlət katibi Entoni Blinkenin iştirakı ilə Münhen Təhlükəsizlik Konfransı başa çatacaq.
Qeyd edək ki, “Politico” nəşri daha əvvəl Rusiyanın fevralın 16-sı Ukraynaya hücum edəcəyi barədə məlumat yayıb.скачать dle 12.1