Rusiya prezidentinin mətbuat katibi Dmitri Peskov Ukrayna prezidenti Vladimir Zelenskinin aparat rəhbərinin müşaviri Mixail Podolyakın Kiyevin Moskva, Sankt-Peterburq və Yekaterinburqa zərbə endirmək imkanını nəzərdən keçirdiyi barədə açıqlamasına belə reaksiya verib.
O, bu barədə jurnalistlərlə keçirdiyi brifinqdə danışıb.
Onun sözlərinə görə, Ukrayna terror aktlarının təşkilində iştirak edib və Kiyev hakimiyyəti heç nəyi rədd etmir, bu da Rusiyanın özünü qorumaq üçün seçdiyi yolun düzgünlüyünü təsdiqləyir.
“Dünən biz Ukrayna rejiminin terror aktlarının təşkilində, o cümlədən Moskva vilayətində Daria Dugina ilə törədilən dəhşətli terror aktında iştirakı faktlarını xatırladıq. Kiyev rejimi heç nəyi rədd etmir, bu, bizim niyyətlərimizin düzgünlüyünü bir daha təsdiqləyir - özümüzü belə təhlükədən qorumaq niyyətimizdir”, - Peskov bildirib.
Daha əvvəl Mixail Podolyak bildirib ki, Ukrayna Qərbdə əhval-ruhiyyənin dəyişməsi səbəbindən Krım körpüsünə və Rusiyaya birləşdirilən ərazilərə zərbələr endirə biləcək.
Bakı
5°C