ABŞ-ın Miçiqan ştatının 49 yaşlı sakini sürdüyü maşınının açıq pəncərəsindən çoxmilyonluq uduşu olan lotereya bileti az qala uçsun. 
Xarici KİV xəbər verir ki, amerikalı həyat yoldaşı ilə səyahət zamanı Fayf  Leyk şəhərində lotereya bileti alıb.
Ertəsi gün cütlük evə qayıdıb. Yolda arvadı lotereya biletini yoxlayıb, onların böyük bir uduş qazana biləcəyini görüb və sevincdən qışqırıb. Həyəcandan tərlədiyi üçün maşının şüşəsini açıb və az qala külək uğurlu bileti uçursun. Qadın son anda onu tuta bilib.
Cütlük 328,4 min dollar udub. Lotereya qalibi və həyat yoldaşı deyirlər ki, onlar nə qədər şanslı olduqlarını hələ tam dərk etməmişlər və pul uduşunu necə xərcləyəcəklərini hələ bilmirlər. Onlar uduşların böyük hissəsinin gələcək üçün saxlanacağına ümid edirlər ki, bu da onlara planlaşdırılandan tez təqaüdə çıxmağa imkan verəcək.скачать dle 12.1