Ukrayna Amerika Birləşmiş Ştatlarının verdiyi kaset sursatlarından eksklüziv olaraq müvəqqəti işğal olunmuş ərazilərdəki düşmən hərbi obyektlərinə qarşı istifadə edəcək.
Bunu Ukrayna prezidenti Volodimir Zelenski Vilnüsdə NATO-nun baş katibi Yens Stoltenberqlə birgə mətbuat konfransı zamanı deyib. 
“Rusiya bizim ərazimizdə davamlı olaraq kaset sursatlarından istifadə edir, sırf bizim torpaqlarımızda döyüşür, insanlarımızı öldürür, uzun illərdir, davamlı olaraq kaset bombalarından istifadə edir. Kassetli raketlərlə bağlı qərarla bağlı ABŞ-dan ala biləcəyimiz yardım sırf hərbi məqsədlər üçün, sırf Ukraynanın müvəqqəti işğal olunmuş ərazilərində istifadə üçündür”, - Zelenski bildirib.
O vurğulayıb ki, ruslar 9 ildir Ukrayna ərazisini işğal edir, insanları öldürür və Ukraynanın özünü müdafiə etmək hüququ var.скачать dle 12.1