Azərbaycan Premyer Liqasının XVIII turunda “Səbail”lə qarşılaşan “Sumqayıt” yubiley qələbəsini qazanıb.
Peşəkar Futbol Liqasının (PFL) rəsmi saytına istinadən xəbər verir ki, “gənclik şəhəri” təmsilçisi ölkə çempionatlarında 100-cü dəfə qalib gəlib.
1:0 hesablı qələbə Sumqayıtın eyniadlı təmsilçisinin 382-ci matçına təsadüf edib. 2011-ci ildən Premyer Liqada oynayan komanda 62 dəfə evdə, 38 dəfə səfərdə üç xal qazanıb.
“Sumqayıt”ın ilk uğuru 2011-2012-ci illər mövsümündə qeydə alınıb. 2011-ci il oktyabrın 30-da AZAL-ı qəbul edən “gənclik şəhəri” təmsilçisi 2:1 hesabı ilə qalib gəlib.
Qeyd edək ki, “Sumqayıt” ölkə çempionatları tarixində 100 və daha çox qələbə əldə edən 12-ci komandadır.
скачать dle 12.1