"Prosesi uzatdılar ki, iyul ayı üçün ayrıca vəsait verilməsin"... 

Bunu Bakı Səsi-nə açıqlamasında iqtisadçı ekspert Natiq Cəfərli işsiz vətəndaşlara 190 manat birdəfəlik yardımın verilməsinin gecikməsi səbəbindən danışarkən deyib.
Onun sözlərinə görə, iyulun 3-də Prezidentin iqtisadi məsələlər üzrə müşaviri Şahmar Mövsumov çıxışında bu həftədən etibarən işsiz vətəndaşlar üçün nəzərdə tutulan 190 manatın verilməsinə başlanılacağını deyib:
"Hökümət bu pulu iki ay - iyun-iyulu vermək istəmir. Yəqin ki, qərar belə olacaq. İki 15 günü birləşdirib bir 190 manat verəcəklər. Buna görə də prosesi uzatdılar ki, iyul ayı üçün ayrıca vəsait verilməsin. Vətəndaşa iyul ayına olan vəsaiti vermək istəmirlər. 190 manatın verilməsinin gecikməsinə səbəb budur”.
Natiq Cəfərli bildirib ki, hökümət həmişə vətəndaşlara çatacaq pula qənaət edir:
"Amma bunu bilməlidirlər ki, onların vətəndaşa verdiyi vəsait iqtisadiyyatın canlanmasında mühüm rol oynayır. Çünki vətəndaş o pulu alan kimi bazarlıq edib, kommunal xərclərini ödəyir".

bakisesi.com 
скачать dle 12.1