Uzun tarixi dövr ərzində Azərbaycan- Amerika münasibətləri strateji tərəfdaşlıq xarakteri kəsb edib. Fundamental məsələlərdə iki tərəfin də mövqeyi üst-üstə düşüb.
Bunu millət vəkili Elman Nəsirov bildirib.
"Enerji təhlükəsizliyi, beynəlxalq terrorizmə qarşı mübarizədə, regional təhlükəsizliyin təminatında Azərbaycanın verdiyi böyük tövhələr rəsmi Vaşinqton tərəfindən yüksək qiymətləndirilib. Lakin son zamanlar rəsmi Vaşinqtonun Azərbaycana qarşı davranışlarında anlaşılmazlıq nümayiş olunur. Bunlar təkcə sözlə deyil, əməli olaraq da öz əksini tapır. 1992-ci ildə Azərbaycana qarşı tədbiq etdikləri 902-ci maddənin fəaliyyətini bərpa etmək istəyirlər. Dövlət səviyyəsində Azərbaycana iqdisadi qadağa qoymaq istəyirlər."
Millət vəkili hesab edir ki, burada bəhanə var.
"Bəhanə ondan ibarətdir ki, guya Azəbaycan Ermənistan ərazisini işğal etmək istəyir. Ermənistana qarşı bizim təcavüz planımız var. Bu ağ yalandır. Bunu Zəngəzurla bağlı bildirirdilər, amma prezident İlham Əliyev də bildirir ki, bizim Zəngəzura getmək niyyətimiz var. Amma biz bunu silahla deyil, diinc yolla etmək istəyirik. Digər tərəfdən bizim Zəngəzur dəhliziylə bağlı b planımız da var.
Səbəb isə odur ki, birləşmiş ştatlar strateji əhəmiyyətli cənubi Qafqazda möhkəmlənmək və Rusiyanı sıxışdırıb çıxarmaq istəyir. Qafqazda Ermənistan və Gürcüstan Qərb yönümlü siyasət yürüdür. Amma Amerika hesab edir ki, Cənubi Qafqazdan Rusiyanı tam çıxarmaq üçün əsas dövlət Azərbaycandır. скачать dle 12.1