Müğənni Xuraman Şuşalının hicabın üzərindən Azərbaycan bayrağı əks olunan papaq qoyması tənqid olunub. 
Dövlət bayrağının harda necə gəldi istifadə edilməsinin doğru olmadığını düşünən bəzi sosial şəbəkə istifadəçiləri hərbi forma və bayrağın istifadəsinə nəzarət mexanizminin yaradılmasını da təklif ediblər.
Məsələ ilə bağlı açıqlama verən sənətçi bu barədə heç bir mənfi fikir eşitmədiyini deyib:
“Başıma Azərbaycan bayrağını qoymağımla bağlı heç kim mənə irad tutmayıb. Sadəcə bu gün bir verilişdə qonaq idik və orada müğənni Eldar dedi ki, “Pis fikir yazmaq istəyənlər Xuramanın başına qoyduğu araqçına da nə isə deyəcəklər”. Bu məsələ ilə bağlı başqa bir söhbət olmayıb, özümə qarşı mənfi fikir də görməmişəm. Həm də ki, bayraq elə bizim baş tacımızdır, başımızın üzərində də gəzdirməliyik. Bayraq uca yerdə olmalıdır, şükür Allaha, bu gün başımız da ucadır. Kimlərsə belə həssas məqamda şou yaradırlar, kimisə vurmaq və ya təhqir etmək istəyirlər, amma belə şeylər etmək bizim xalqa yaraşmaz. Məncə, bayrağa sataşan vətən xainidir”. 
Əsmətxanım

скачать dle 12.1