ABŞ məhkəməsi Minnesota ştatının 28 yaşlı sakini Culissa Taleri altı yaşlı oğlunun soyuqqanlılıqla qətlə yetirməsində təqsirli bilib. 
Xarici media xəbərinə görə, o, uşağı yatmaq istəmədiyi üçün güllələyib.
Araşdırma zamanı məlum olub ki, mübahisədən sonra qadın özü ilə silah götürərək uşağı evdən çıxarıb. Onlar maşına miniblər, qadın oğlana 9 dəfə atəş açıb.
Kiminsə şüşəsi sınmış və təkəri partlamış maşın sürdüyünü bildirdikdən bir neçə dəqiqə sonra polis qadını saxlayıb. Uşağın meyiti yük yerində tapılıb. Avtomobilin oturacağında böyük bir güllə dəliyi də aşkar olunub.
Daha sonra DNT testləri öldürülən oğlanın qanının anasının paltarında və dərisində olduğunu göstərib.
2021-ci ilin yanvarında Culissa Taler Dakota sosial xidmətlər departamenti "psixoz yaşadığını və özünü öldürməyi əmr edən səsləri eşitdiyini" öyrəndikdən sonra oğlunun qəyyumluğundan məhrum edilib. Ancaq qətldən cəmi iki həftə əvvəl uşaq yenidən ona həvalə edilib.
İndi qadını şərti azad edilmədən ömürlük həbs gözləyir. Hökm fevralın 16-da elan olunacaq.скачать dle 12.1