Masallının keçmiş, Ağcabədinin indiki icra başçısı Rafil Hüseynovun əməlləri barədə hər gün redaksiyamıza elə xəbərlər daxil olur ki, adam hətta məəttəl qalır.
Bu adam Masallıda qəbristanlığı sökür ( adamın yadına ermənilərin işğal olunmuş rayonlarda qəbirlərin qızıl dişini çıxartmağı düşür ), yerində ticarət obyekti tikir.
Bu adam Qarabağ qazisinin arvadına polislə hədə-qorxu gəlir...
Bu adam Qarabağ veteranının statusunu ləğv etdirmək istəyir...
Bu adam şəhidin atasına elə sözlər deyir ki, adam yazmağa utanır...
Bir sözlə, bu adam bütün dəyərləri, mənəvi xətləri keçmiş adamdır.
Əslində, sözün düzü, bizim bu adamla heç bir işimiz, şəxsi davamız yoxdur.
Amma, bu adam Ağcabədi rayonunda test imtahanı keçirəndə, suallar tərtib edəndə, bağça müdirlərini soğru-suala çəkəndə...vallah düşünmək olur ki, mütləq PSİXOLOQ çağırmaq lazımdır.
Sözün həqiqi mənasında başqa söz tapa bilmirik.
Sən kimsən özündən imtahan komissiyası yaradırsan, hətta sərəncam verirsən, sən hansı hüquqla suallar düzəldirsən, ey baş bilən?
Sənin özünü sorğu-suala çəkməyin zamanı çoxdan çatıb. Başa düşürsənmi ?
Əgər bu ölkədə zərrəcə ədalət anlayışı qalıbsa, sən bağçadan qovdurduğun, uşaqlarını çörəyə möhtac elədiyin qadınlara görə, mütləq cavab verəcəksən.
Ya Allah qarşısında, ya da olmayan Ədalət məhkəməsi qarşısında.
Sən öz doğma oğluna ( polis orqanlarından qovulan ) tərbiyə verə bilmirsənsə, sən hansı mənəvi haqla qadınları sorğu-suala çəkirsən ?
Sənin başqa məqsədin yoxdur. Ancaq onları işdən uzaqlaşdırıb, yerinə pul alıb başqalarını qoymaq. Bu qədər bəsit.
Sən rəhbər deyilsən, İrafil, sən alverçisən...
Cənab Rafil Hüseynov, biz konkret olaraq, şikayət ərizələrindən, AUDİO-VİDEO yazılardan danışırıq ee, fantaziya-zad deyil..
Sabah lazım olarsa, bu faktları çıxarıb sənin stolunun üstünə qoyacağıq...
Sən kimsən ki, insanları kütləvi şəkildə işdən qovdurursan..?
Axı, cənab Prezident özü deyir ki, hər ixtisara düşən işçi ilə birgə bir ailə ehtiyac içində qalır...
Başa düşdünmü, Rafil Hüseynov ?
Söhbət qanuni ixtisardan getmir e, sənin özbaşına işdən qovmağından gedir...
Sən bu yolla, qazandığın haram pullarla özünə Novxanıda 20 milyon dəyəri olan villa tikdirmisən. O villa ki, dam örtüyündən yağış suyu həmin evin içinə axırdı. O villa ki, dam örtüyünün dəyişməsinə 100 mindən çox pul xərclədin. O villa ki, qarşısında tikdirdiyin gözətçi evinin qiyməti 2 milyondur.
O villanı satıb, işdən qovduğun bağça işçilərinə verməyin zamanı çatıb.
Cənab Rafil Hüseynov, təkrarçılıq olmasın, bizim sənin personan ilə işimiz yoxdur, məqsədimiz insanların hüquqlarını qorumaqdır. İstəmirik ki, insanlarımız sənin kimi məmurların əməllərinə görə dövlətimizdən, Prezidentimizdən narazı olsunlar. Siz isə məqsədli şəkildə, pul qazanmaq üçün insanları dövlətdən narazı salırsınız.
Əsas problem budur.
İndi isə Rafil Hüseynovla bağlı redaksiyamıza daxil olan yeni məlumatları təqdim edirik.
Deməli, icra başçısı Rafil Hüseynov son vaxtlar iki şadlıq sarayının direktorunu Pambıq zavoduna direktor qoyub.
Bu hələ harasıdır ?
Cənab icra başçısı iki orta təhsilli, üstəlik heç bir təcrübəsi olmayan cavan adamı bağçaya müdir qoyub.
İcra başçısı bağça və məktəb məsələsində özünə Çiçək xanımı “müşavir” götürüb.
Çiçək xanım əvvəllər bələdiyyə başqanı işləyib, sonra bağça müdiri olub, lap sonra keçmiş icra başçısı Şahin Məmmədov onu öz yanına aparıb. Camaat deyir ki, Şahin rayona icra başçısı gələndən sonra Çiçək əsl çiçək açdı, onun baxtı parladı.
Bəli, Çiçək xanım sonra icra başçısının Aran üzrə icra nümayəndəsi oldu.
Rafil Hüseynov təkcə Çiçəyi deyil. Bacısı oğlunu da mühüm vəzifəyə qoyub- şəhər üzrə icra nümayəndəsi.
Çiçək xanımın 3 uşaq bağçası var. Deməli, bağçaların birində 1 qrup, ikisində isə 2 qrup var.
Bağçaya verilən ərzaq məhsulları üçün vəkalətnamə olmalıdır. Amma...
Vəkalət yazılmadan gəlir, nə yazırsan. Yaz...
Deməli, bağçalar üçün ərzaq məsələsi də biabırçılıqdır.
Deməli, Çiçək əvvəllər icra nümayəndəsi və bələdiyyə sədri ola-ola 3 qruplu bağçası olub və ərzaq üçün vəkalətnamələr həmişə Çiçəyin adına olub.
Bu ciddi qanunsuzluqdur.
Çiçəyin bağçalarından biri onun qardaşı arvadının adına olub.
Deməli, bağçada işçilərə hədə-qorxu gəlirlər ki, soyuducudan ərzaq apara bilməsinlər və qalan ərzağı icra nümayəndələri aparsın.
Bağçalara yeni götürülən işçilərdən çoxlu pul alınıb. İndi deyirlər ki, pullarınızı gəlin aparın, işdən çıxarılacaqsınız.
Bir sözlə, əgər Korrupsiya Rafilin bu əməllərini yoxlasa, Rafil “türmə”likdir.
P.S Ay Rafil, elə bilirsən ki, sən məhkəmədə bizə qalib gələ bilərsən. Ayə məhkəmələr qanunla tənzimlənir, sənin sözünlə yox. Deyirmişsən ki, Binəqədi Rayon Məhkəməsinin sədri və hakimi bizə yaxın adamdır. Biz nə desək odur. Qudamın Yasamalda tikdirdiyi binadan onlara ev vermişik.
/Gundelik-baku.com/