Ötən sayımızda Gəncə Şəhər İcra Hakimiyyətinin  başçısı Niyazi Bayramovun vəzifəsindən uzaqlaşdırılacağı və Rusiya Federasiyasında  ( RF ) Azərbaycanın Fövqəladə və Səlahiyyətli Səfiri təyin olunacağı ilə bağlı xəbər vermişdik. 
Qısa xatırlatma üçün qeyd edək ki, ölkəmizin  RF-dakı səfiri Polad Bülbüloğlunun vəzifəsindən uzaqlaşdırılacağı  ehtimal edilir. 
Və onu Niyazi Bayramovun əvəz edəcəyi  bildirilir. 
Görəsən, Niyazi Bayramovdan sonra Gəncənin boş qalacaq icra başçısı postuna kim sahib olacaq..? 
Gündəlik-Bakıya daxil olan məlumata  görə, Yevlaxın icra başçsı Anar Tağıyev Gəncə Şəhər İcra Hakimiyyətinin başçısı postuna gətiriləcək. 
Məlumat üçün qeyd edək ki, Tağıyev Anar Aqil oğlu 25 mart 1981-ci ildə Bakı şəhərində anadan olmuşdur. 1997-ci ildə Bakı şəhəri 1 saylı orta  məktəbini, 2001-ci ildə Bakı Dövlət Universitetini, 2005-ci ildə isə Moskva Dövlət Vilayət Universitetini bitirmişdir. Təhsil aldığı müddətdə 1999-cu ildən 2002-ci ilədək “Eurostyle” şirkətində ümumi işlər üzrə hüquqşünas,  2006-cı ildə H.Əliyev adına Bakı Dərin Özüllər zavodunun Birgə layihələr şöbəsində mühəndis vəzifəsində çalışmışdır. 2006-2008-ci illərdə Azərbaycan Respublikası Gənclər və İdman Nazirliyinin Gənclərlə iş şöbəsinin Gənclər Təşkilatları ilə iş sektorunda məsləhətçi vəzifəsində işləmişdir. 2008-2010-cu illərdə Nəsimi rayon İcra Hakimiyyətinin “İctimai təşkilatlar və siyasi partiyalarla iş” şöbəsinin, 2010-2011-ci ilədək “Ərazi idarəetmə və yerli özünü idraəetmə oraqanları ilə iş” şöbəsinin müdiri, 2011-ci ildən isə Nəsimi rayon İcra Hakimiyyəti Başçısının müavini vəzifəsində çalışmışdır. Azərbaycan Respublikası Prezidentinin 31 oktyabr 2019-cu il tarixli 1527 nömrəli Sərəncamı ilə Yevlax Şəhər İcra Hakimiyyətinin Başçısı təyin edilmişdir.
Azərbaycan Respublikasının Prezidenti Cənab İlham Əliyevin  22 iyun 2019-cu il tarixli Sərəncamı ilə  “Dövlət qulluğunda fərqlənməyə görə” medalı ilə təltif olunmuşdur. /Gundelik-baku.com/скачать dle 12.1